Tirado da "Carta a un refén"
ANTOINE DE SAINT-EXUPÉRY
“A orde pola orde castra ao home do seu poder esencial, o de transformar tanto ao mundo como a si mesmo. A vida crea á orde, pero a orde non crea á vida.
Parécenos, moi pola contra, que o noso ascenso non terminou, que a verdade de mañá nútrese do erro de onte, e que as contradicións que hai que superar son o abono mesmo do noso crecemento. Recoñecemos coma nosos aínda a quen difiren de nós.
Pero que parentesco tan estraño é este que se funda no futuro e non no pasado, na fin e non na orixe! Somos, os uns para os outros, pelegrinos que ao longo de camiños diversos penamos con destino á mesma cita.
Pero hoxe ocorre que o respecto polo home, condición do noso ascenso, está en perigo. O estalar do mundo moderno afundiunos nas tebras. Os problemas son incoherentes, as solucións contraditorias. A verdade de onte xa está por construírse. Non se albisca ningunha síntese válida, e cada un de nós só leva consigo unha parcela da verdade. As relixións políticas, carentes de evidencia que as impoña, apelan á violencia. E así, mentres nos dividimos no que respecta aos métodos, corremos o perigo de non volver recoñecer que todos nos apresuramos cara ao mesmo fin.
Se ao franquear unha montaña cara a unha estrela o viaxeiro se deixa absorber demasiado polos problemas da escalada arríscase a esquecer cal é a estrela que o guía. Movéndose só por moverse, non irá cara a ningures. Se quen coloca as cadeiras da catedral se preocupa demasiado pola ubicación das mesmas, arríscase a esquecer que está servindo a un deus. Do mesmo xeito, se me pecho nalgunha paixón partidista, arríscome a esquecer que unha política só ten sentido coa condición de estar ao servizo dunha evidencia espiritual.
[...] Ninguén de nós ten o monopolio da pureza de intencións. Podo combater, en nome do meu camiño, o camiño que outro elixiu; podo criticar os pasos da súa razón- os pasos da razón son incertos-. Pero debo respectar a ese home, no plano do Espírito, se pena cara á mesma estrela.
¡Respecto polo home! ¡Respecto polo home!... Se o respecto do home está fundado no corazón dos homes -seguindo o camiño inverso- terminarán por fundar o sistema social, político ou económico que consagrará tal respecto. Unha civilización fúndase ante todo na sustancia; primeiramente é, no home, o cego desexo dunha certa calor. Logo, o home, de erro en erro, atopa o camiño que leva ao lume.”
|
|
SUSTENTABILIDADE:
ORIXE, USO E CONTIDO DO TERMO
V. M.
EL LENGUAJE INSOSTENIBLE
ALBERTO DOMÍNGUEZ
PAU E CENOURA
OTTO MÁS
COMO SE SOSTÉN ISTO?
REBECA BACEIREDO
CAPITALISMO E ECOLOGIA
ROI FERREIRO
SUSTENTAR A VIDA OU SUSTENTAR O DESENVOLVEMENTO?
AURELIA SMITH
A OPINIÓN DUN EXPERTO
REMIXIO F. S.
EL "MITO DE LA RIQUEZA" Y
EL "MOTIVO DEL MAIZ QUE LLORA"
PEDRO GARCÍA OLIVO
UNHA PANTASMA PERCORRE VIGO
GRUPO DE AXITACIÓN SOCIAL
O FUTURO DA LOITA CONTRA REGANOXO: CARA ONDE IMOS?
UN LIBERTARIO (REGANOSADEMOLIZON.ORG)
MEREXO RESISTE
DIEGO AMEIXEIRAS
CAPITALISMO...
VERDE E SUSTENTABLE
ENRIQUE LÓPEZ
FORMIGÓN, HEDRAS E SILVEIRAS
GRUPO ESTRUME E BORRALHA
UNHA LOITA SOSTIBLE?
ELISEO FERNÁNDEZ
TERRA DE COBRE E CHISPAS
VENTO MORTEIRA
CANCIÓN PARA EL HOMBRE CABAL
RAFA BECERRA
MALAS Y BUENAS NOTICIAS
SANTIAGO ALBA RICO
mensagem aos povoadores
PAULO HORTAK
INMUNDICIA
DERRADEIRA CIDADE
Tirado da
"Carta a un refÉn"
ANTOINE DE SAINT-EXUPÉRY
ACHEGAS GRÁ�FICAS |
